कसा शोधु मी चांदवा कालचा??
कुठे सापडेना दुवा कालचा
कसा शोधु मी चांदवा कालचा??
खुणावीत होता दुरूनी मला
पुन्हा पाखरांचा थवा कालचा
अजूनी जिवाला पिसे लावतो
तुझ्या ओठिचा गोडवा कालचा
फ़िरूनी पुन्हा शिरशिरी आणतो
नि छळतो कसा गारवा कालचा
किती काळजाला जखम जाहली
तरी घाव वाटे हवा कालचा
सयी छेडती तार का अंतरी?
सुरांनो म्हणा मारवा कालचा
कुठे काफ़िया अन कुठे ती गझल!!
जरा शेर तो ऐकवा कालचा
- प्राजु
0 प्रतिसाद:
टिप्पणी पोस्ट करा