बुधवार, २४ जून, २००९

कृष्णबावरी..

भारलेल्या त्या स्वरांची तान छेडे बासरी
गीत कान्हाचे असे राधे तुझ्या ओठावरी..

पाहताना दर्पणी त्या रंग भासे सावळा
कृष्णबिंबा! तूच की मी?"... हाय ! राधा बावरी..

मोहनाला रेखिते ती लोचनांच्या अंगणी
दृष्ट काढी काजळाने सावळ्या थेंबावरी..

पैलघंटा वाजते ना सांज आली राऊळी
ऐकण्या आतूर राधा माधवाची पावरी..

नीळवर्णी मोरपीशी गुंतलेली राधिका
ती मयूरा कृष्णवेडी नाचते या भूवरी..

सप्तरंगी नाहला वृंदावनीचा श्रीहरी
ल्यायली श्रीरंग राधा त्या तिच्या कायेवरी..

- प्राजु

3 प्रतिसाद:

Vishakha म्हणाले...

"दृष्ट काढी काजळाने सावळ्या थेंबावरी.."
masta!

Reminds me of "Sanj ye gokuli- saavli saavli".
Kavita lihitanna tu he gaane aikat hotis ka? :)

sameer म्हणाले...

Sur baasuricha
gokulat ghume
gopikaancha thavaa
viharani jame

ghataa vari dauul
naajuk manjullacha
paavaa vaajavi sri hari
sakhayaa raadhecha

to saavala budun aartatet
yuge yuge gheil
raadhechi bhet


Govardhan-dhari jai sri krishna

praaju, ur poems are so good that it inspires us to create poems .

Himanshu Dabir म्हणाले...

कृष्णबिंबा! तूच की मी?"... हाय ! राधा बावरी..
he saglyat amazing aahe!!!

Page copy protected against web site content infringement by Copyscape