अता वेदनेलाच जोजावते मी..
मनाला विसावा इथे शोधते मी
जगावेगळे मागणे मागते मी
हिरे माणकांची मला हौस नाही
फ़ुले रानवेडी, गळा माळते मी
गळा कापला मी नखाने सुखाचा
उरे दु:ख साथीस हे घोकते मी
नको सावराया कुणी या मनाला
अता वेदनेलाच जोजावते मी
तुझे स्वप्न येईल का झोपताना
म्हणुन रात्र डोळ्यांत कवटाळते मी
कुठे लोपली ती, जुनी ओढ आता??
स्वत:ला विचारून भंडावते मी
अती परिचयातून होते अवज्ञा
तुझ्या पास येणे म्हणुन टाळते मी
मुखी मोकळे हास्य येईल का रे?
अशी हासुनी रोज कंटाळाते मी
- प्राजु
0 प्रतिसाद:
टिप्पणी पोस्ट करा