मंगळवार, ९ जून, २००९

पाऊस ओला..

सतरंगी रथात बसून आला
पाऊस ओला.. पाऊस ओला..

हिरवाई भारली सृष्टीच्या रंगात
शुभ्रसा निर्झर धरणीच्या भांगात
धुक्याचा कापूस पिंजून गेला..
पाऊस ओला .. पाऊस ओला..

गर्जत मेघांचे तुषार सांडले
तृणांवर मोत्यांनी डावही मांडले
मेघांनी झाकला नभाचा टीळा..
पाऊस ओला.. पाऊस ओला..

झाडांच्या हातांत वेलींचा चुडा
ओसंडून वाहतो मेघांचा घडा
शृंगार हिरवा ऋतू ल्यायला..
पाऊस ओला.. पाऊस ओला..

निळ्याशा थेंबात आभाळ दाटे
मातीच्या हृदयांत दरवळ भेटे
अल्लड अवखळ सरींचा मेळा..
पाऊस ओला.. पाऊस ओला..

ओलेत्या रानांत, ओलेती चाहूल
ओलेत्या मनांत, ओलेती हुरहूर
हृदयांत शिरशिरी शिंपून गेला..
पाऊस ओला.. पाऊस ओला..

- प्राजु

5 प्रतिसाद:

Innocent Warrior म्हणाले...

kya baat hai

sameer म्हणाले...

Chimb chimb man
Hirve gar Raan
chaahul paavsaachi
chahu kade
Aanand Gaan !!!

Varshaav Premaacha
To Themb jivanacha
navhe Olavati dhaara
an gaar zulukh vaara !!!

Maaticha chikhal
janu, dharitrichi Saay
Ankurlyaa bijachi
pathavan karate maay !!!

Asa anupamya sohla
varsho varshi anubhavava
gele kiti paavsaale
hyaacha hishob ka maanadava

sameer म्हणाले...

kitihi kara kavane
udhala kitihi stuti-sumane
To yeto tharalyaa veli
chimb karun taakato shushk mane!!

Aga to paaus kevhda motha
anubhutinchya praanganaat
shabd shabd padato thita

Ek sar motyaachi
riti kare ghan shimpale
aakaash dharatiche
gupit tyaat gumphale!!

shabd fulaancha ha ratib
kiti vyarth an pokala
ek sari var sar
paaus man mokalaa

Mrs. Asha Joglekar म्हणाले...

निळ्याशा थेंबात आभाळ दाटे
मातीच्या हृदयांत दरवळ भेटे
अल्लड अवखळ सरींचा मेळा..
पाऊस ओला.. पाऊस ओला..
किती सुरेख पावसांत भजून आल्या सारखं वाटलं.

Fantastic Five म्हणाले...

प्राजक्ता,
छान आहे कविता. तुला आवडेल अशी आणखी एक कविता...
http://ffive.in/rain-song/858/

Page copy protected against web site content infringement by Copyscape